الرئيسيةالبوابةأحدث الصورالتسجيلدخول
"سبحان الله وبحمده عدد خلقهِ ورِضَا نفسِهِ وزِنُة عَرشِهِ ومِداد كلماته"
http://3arabisoft.blogspot.com/


شاطر
 

 خلى إبنك صدقة جارية ليكِ

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
عاشقة الجنة
جميلة الجميلات
جميلة الجميلات


عدد المساهمات : 329
نقاط : 965
تاريخ التسجيل : 02/10/2011

خلى إبنك صدقة جارية ليكِ Empty
مُساهمةموضوع: خلى إبنك صدقة جارية ليكِ   خلى إبنك صدقة جارية ليكِ Icon_minitimeالسبت يونيو 01, 2013 5:20 am

عمرك فكرتي اذاي ابنك هايكون صدقه جاريه ليكي ؟؟؟؟

هل فكرتي مره ازاي تخلي ابنك من اهل اليمين؟؟

كلنا بنحاول نختار لاولادنا احسن مدرسه و احسن لبس واحسن اكل .... ألخ

طيب هل فكرنا نختار ليهم احسن اخره ؟؟؟؟؟؟

ده اختبار ليكي جوابي علي اسئلتي بنعم او لا.

مفيش درجات علي الاجابات

اكيد هاتعرفي من اجاباتك لوحدك انتي فين من سؤالي

و لو اجاباتك مش عجبتك دي مجرد افكار تعمليها مع اولادك

واكيد في افكار احسن كمان وكمان لو همتك عاليه

نبدا الاسئله

*هل بتحفظي ابنك الاذكار ؟ فيه اذكار سهله كتير الاطفال بيحفظوها لو كررتيها كتير قدامهم بس هل بتحرصي انك تقولي قدمهم
دعاء الخروج مفيش اسهل منه و كمان دعاء اللبس الجديد و دعاء النوم و الاستيقاظ .........


*هل بتحفظي طفلك قران ؟
ولا عندك استعداد انه يتعلم تلات لغات بس صعب انه يحفظ قرءان


*هل بتبدأي اي حاجه لطفلك باليمين وتنبيه لكده ولا مهتمه بس بتدريسه الاتيكيت ؟


*بتعلمي ابنك يقول بسم الله في بدايه كل عمل؟


*في الشارع بتعلمي طفلك انه يرمي القمامه في الاماكن المخصصه ليها؟
و هل انتي قدوه في الموضوع ده؟


*هل بتعفي لسانك من الشتايم و الغيبه و السخريه و الكذب قدام طفلك ولا لسه حاطه في دماغك انه لسه صغير ومش فاهم انتي بتعملي ايه ؟


*هل بتعودي طفلك يدعي ربنا في اي حاجه عايزها الاول قبل ما يطلبها منك؟
بتعلميه يلجأ الي ربنا ولا سيباه يزن جنبك وخلاص


*هل بتقري في المصحف قدام اطفالك وحاطه في نيتك عشان يقلدوكي؟


*وهل بتصلي قدام اولادك و بتشجعيهم انهم يصلوا معاكي و لو حتي هايقلدوا الحركات بس؟
و بتدعي ربنا كل يوم بدعاء ( رب اجعلني مقيم الصلاه و من ذريتي ) عشان يصلوا و يحبوا الصلاه؟ولا مش في دماغك موضوع الصلاه ؟؟؟؟؟


*هل بتعودي طفلك انه يشكر ربنا علي كل نعمه زي اللبس الجديد الخروج الجميل اللعب الجديده ولا كفايه عندك كلمه مرسي يا ماما ؟


*هل بتخليهم يستشعروا نداء ربنا ويرددوا الاذان و تطفي التلفزيون ساعه الاذان و ساعه صلاه الجمعه؟


*هل بتدعي ربنا انه يعينك انك تربي اولادك التربيه الصالحه؟


و هل بتدعي لاولادك بان يزرع في قلوبهم حبه و حب من احبه وحب عمل صالح يقربهم من حبه؟ ولا بتنامي كل يوم وانت شايله هم تربيتهم وازاي تكوني مسيطره عليهم ؟؟؟؟


*هل بتعلمي اولادك معاني الصدق و الامانه و التعاون عن طريق حكايات بسيطه يفهمها الاولاد؟ ولا مفيش اصلا حوار بينك وبينهم غير الاومر والنواهي ؟؟


*فكرتي تعلمي طفلك العطاء عن طريق تعليمه انه يتبرع بلعبه او ملابسه للمحتاجين؟


*فكرتي تقولي لابنك لما تستعمل ميه الحنفيه خلي الميه متنزلش كتير عشان ده اسراف هانتحاسب عليه؟

حجات كتيره ممكن تتعمل بس هل فكرتي انك تعمليها ؟؟؟؟

الرجوع الى أعلى الصفحة اذهب الى الأسفل
 

خلى إبنك صدقة جارية ليكِ

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1

 مواضيع مماثلة

-
» صدقة من غير مال

صلاحيات هذا المنتدى:لاتستطيع الرد على المواضيع في هذا المنتدى
سيدتى الجميلة :: منتدى الأسرة :: الأمومة والطفولة-