الطريقة الأولى
حمام زيت الخس والزيتون لشعر أنعم
المقادير:
2 ملعقة كبيرة زيت خس
ملعقة كبيرة زيت زيتون

الطريقة:
امزجي زيت الخس مع زيت الزيتون كويس جدا، وحطّيه على شعرك، وحاولي تكون كميته غزيرة على شعرك، وغطّي شعرك بالبونيه وفوطة دافية، وبعد مرور ساعة ونصف اغسلي شعرك كويس بالشامبو.

الطريقة الثانية
حنة معتّقة.. لشعر صحي ولون قوي 
المقادير:
3 ملعقة كبيرة حنة حمراء 
3 ملعقة كبيرة من زهر الكاموميل المطحون
3 ملعقة كبيرة خل
3 ملعقة كبيرة بن

الطريقة:
ضيفي الحنة على زهر الكاموميل المطحون، واخلطيهم كويس جدا مع بعض، بعدها ضيفي البن وقلّبيهم، وبعد كده ضيفي الخل، وقلّبيه مع المزيج كويس، وافردي المزيج في طبق مسطّح، وسيبيه في مكان جيد التهوية لمدة يومين أو تلاتة، وافركيهم كل فترة، بعدها حطّي المزيج في برطمان صغير، واحفظيه لمدة شهر، وعند الاستخدام ضيفي عليها مياه سخنة، وافرديها على شعرك بالفرشة، وسيبيها لمدة ساعتين وبعد كده اغسلي شعرك.