سارة مراد
جميلة الجميلات
عدد المساهمات : 290
نقاط : 858
تاريخ التسجيل : 20/09/2011
 |  موضوع: طريقتى فى شد جوزى من ع القهوة , ماشاء الله ولا قوة الا بالله , عقبال اللى زيى هنااااا  الإثنين مايو 13, 2013 7:42 pm | |
| السلام عليكم الزوجات الشطورات اللى اجوازهم غلبوهم وعاملين عقد مع القهاوى , يوماتى جرى ع القهوة و رميينا ف البيت , بصوا بقى انا من حوالى سنتين كنت بااعانى من الخيبه دى , وتعبت وزهقت , بس عمرى ما بطلت دعاء لله ان جوزى يبطل العادة السيئه دى , خاصه انه كام مدمن تدخين , شويه سجاير وشويه شيشه , يبطل دى يشرب دى والعكس , لدرجه جه عليا وقت اشتريت له شيشه وحطيتها ف البلكونه عشان يقعد يدخنها ف البيت و امرى لله , المهم كنت سمعت الفنان المعتزل وجدى العربى فى برنامج بيقول عليكم وسورة الواقعه , وقلت لجوزى يقراها كل يوم بس للاسف ما طاوعنيش وكسل ف افتكرت ان العربى قال برضه عمل نفس الشئ ومراته بقت مواظبه على قرايتها , وقد كان , خاصه بعد ما عرفت كمان بركاتها التانيه من توسيع الرزق وان اللى يقراها لا تصبه الفاقه , يعنى الفقر , أبدا , المهم فضلت فوق السنه ونص اقراها , لافاجئ أخيراااااااااا بان جوزى بطل تماما التدخين بنوعيه سجاير وشيشه , الحمد لله اه والله , مع انه كان بقى له فوق ال15 سنه بيدخن , أقلع عن التدخين بفضل الله ماشاء الله ولا قوة الا بالله , هو بس ما بطلتش مرواح للقهوة طيب وبعدين يا بت يا سوسو ؟ عملت البد بقى جو م اللى انتوا كلكوا عارفينه , وحركات يقعد يوم وعشرة لا , اعزم اخواته يجيبهم عندى وينزل هو ههههههه , اكلات بيحبها عصاير مشروبات سخنه وساقعه حتى السحلب اتعلمت من الست غاليه وموضوعات هنا عملته م الالف للياء وكذلك القهوة ام وش دوبل , مافيش فايدة مؤخرا بقى عرفت انه حريف طاوله خليته بقى جاب لى واحدة م القهوة وبدأت بس اول امبارح اتعلمها , بصوا هى رخمه ولعبه رجالى صرف , بس شفت واحدة ست ف النادى بتلعبها مع جوزها وشغاله بقى سحب فلوس منه وتحط ف الشنطه اه والله , قلت ما بدهاش , بس طبعا ما وصلتش على فلوس , ممكن على مشاريب هههههه , الى هنا بقى تعرف حاجه عن الطاوله تفيدنى , انا اتعلمت 31 لسه بقى حاجه اسمها جلبهار و محبوسه , وطبعا نفسى اعرف ألعبها بنفس طريقه القهاوى خبط ورزع وحركات سخنه عشان ما يملش , ها نعمل أيه يا أختى رجاله اخر زمن |
|
