أنا جيالكم فى موضوع مهم جدا جدا جدا وأتمنى تقروه للاخر وتفهموا كل 

كلمه فيه صح وأهم حاجه الفهم مش الحفظ 

هو يمكن الموضوع ده نازل فى وقت مش وقته خالص بس باذن الله هيفيدكم كلكم 

نرجع لمرجوعنا ونقول بسم الله الرحمن الرحيم ونبدأ



هسألكم سؤال من ساعه ما دخلتى ع النت لاول مره فى حياتك لحد النهارده 

قريتى كام نصيحه عن معامله الازواج سواء فى المنتدى هنا او فى اى 

منتدى تانى ؟

طب كام نصيحه منهم فادتك ؟ وكام نصيحه منهم ضرتك؟ 

طب قبل ما تنفذى اى نصيحه قعدتى بينك وبين نفسك فكرتى دقيقه اذا كان 

زوجك هيكون سعيد باللى هتعمليه ولا لآ؟

طب كام واحده قعدت ما بينها وبين نفسها تحلل فى شخصيه جوزها ؟

طبعا مش فاهمين حاجه وعايزين تعرفوا انا بسأل الاسئله دى ليه هفهمكم حاضر

بس لازم نتفق الاول انى كل واحده هتجاوب ع الاسئله دى بينها وبين نفسها 

بمنتهى الصراحه وبعدين تكمل قرايه الموضوع تمام 



دلوقتى اى ست بتنزل نصيحه مثلا جربتها مع جوزها ونجحت بتبقى متخيله انها 

هتنجح مع بقيه كل الستات 

حتى الدكاتره كل دكتوره بتتكلم بناءا عن دراستها او الحالات اللى واجهتها 

طبعا فى منهم نصايح كتيره بتبقى مفيده فعلا وبتنفعنا فى حياتنا لكن فى نصايح ممكن

تخرب بيت طب ازاى 

الاول كده الرجاله بيجتمعوا فى حاجات كتير قوى بتكون شخصيتهم فيها واحده 

وفى حاجات تانيه بيختلفوا فيها عن بعض 

ده غير شواذ القاعده 

طب ايه الكلام ده هنشرح حاجه حاجه انا بس بحاول ابسط الموضوع واخده نقطه نقطه 

***************************

أولا الحياه الجنسيه :_

فى حاجات فى العلاقه الجنسيه بيجتمع عليها الرجاله كلها انى مثلا مفيش راجل

يحب المرأه اللى عندها فتور فى العلاقه او بمعنى اصح (برود) 

لكن هناك أشياء لا يتفق عليها جميع الرجال كمثل:_

1_فى راجل يحب الكلام اثناء العلاقه 

2_فى راجل يحب العلاقه الصامته او يكتفى بالانين الجنسى (أهات المرأه أثناء العلاقه) 

3_ فى راجل يحب ممارسه الاوضاع الجنسيه المختلفه

4_فى راجل لا يحب سواء الوضع العادى 

5_ فى راجل يثار من شكل المرأه فقط او عندما يراها بملابس مثيره 

6_فى راجل يحتاج لمداعبات خاصه حتى يثار 

طب ايه معنى الكلام ده برضه معناه انى انا قبل كده نزلت موضوع عن الكلام

أثناء العلاقه الحميمه جالى ع الخاص لا يقل عن 100 رساله بيسألونى 

ايه هو الكلام اللى بيتقال اصل انا جوزى صامت وأنا معرفش ايه الكلام اللى بيتقال

ده وبعدها بفتره لقيت واحده تانيه منزله موضوع انها اتكلمت مع جوزها 

أثناء العلاقه فغضب عليها واتنرفز وهددها بالطلاق لو كررت الموضوع ده تانى

طب وايه السبب فى كده انها خدت الكلام منى ونفذته بالنص من غير ما تفكر 

جوزها بيحب كده ولا لآ هيتقبل الكلام منها ولا لآ هل شخصيه جوزها 

من النوع اللى هيفهم انها قاصده تبسطه واكتر ولا من النوع اللى هيفهم انها كده

جرأه منها زياده عن اللزوم وده ميصحش 

يبقى الملخص للكلام ده قبل ما تنفذى اى نصيحه شوفيها مناسبه ليكى ولا لآ

شوفى هل شخصيه جوزك هتتقبل اللى هتعمليه ولا لآ 



هنا بقى يجى دورى فى الموضوع أو بمعنى أصح دلوقتى بقى هدخل فى الموضوع

هقسمه لكذا نقطه وهشرح كل نقطه بالتفصيل هتكلم عن جزء دلوقتى 

والباقى بعدين عشان الموضوع ميبقاش طويل قوى وممل عشان هشرح كل حاجه 

بالتفصيل عشان الاستفاده أولا وعشان تدعوا لى ثانيا 

الاول هكتب النقط اللى هتكلم فيها عشان تتابعوا معايا وبعدين هبدأ فى الشرح 

وعايزه اوضح حاجه اى حاجه هتكلم فيها اولا عن تجارب شخصيه 

ثانيا عن قراءتى المتعدده فى كتب علم النفس والتنميه البشريه ده غير المعلومات العامه

يعنى خدوا الكلام منى ثقه وباذن الله هتستفادوا كتير 

المهم النقاط اللى هنتحدث عنها فى الموضوع هى :_

1_ ايه هى النصائح المفيده فى بدايه الزواج والنصائح الضاره لبدايه الزواج 

2_ازاى تعرفى شخصيه جوزك من ليله الدخله فى الحياه الجنسيه

3_ ازاى تعرفى جوزك بيحب ايه ومبيحبش ايه من غير ما تسأليه 

4_ازاى تصنفى جوزك (ودى هتفهموها فى الشرح )

5_ ازاى تجربى نصيحه جديده فى الجنس بدون ما زوجك يشعر انك عرفتيها 

من مصدر خارجى (زى فتكات مثلا)

ده الملخص اللى هنتكلم فيه هنمسك نقطه نقطه ونشرحها ويارب الموضوع 

يعجبكم وتتابعوا معايا 



أولا ايه هى النصائح اللى يهمك تعرفيها فى أول الجواز والنصائح اللى هتضرك 

لو نفذتيها فى أول الجواز:_

طبعا النقطه دى معروفه انها للى لسه فى بدايه حياتهم الزوجيه

احنا اتربينا طول عمرنا انى الواحده مبتعرفش حاجه عن الجنس غير فى ليله الدخله 

طبعا الكلام ده كان زمان دلوقتى كل واحده بتبقى عارفه كل حاجه بس مع ايقاف

التنفيذ لكن الفطره اللى ربنا خلقها فينا هى الحياء غصب عن كل واحده

مهما كانت عارفه كل حاجه انها بتكون بتتكسف تيجى بقى المزه الحلوه اللى بتتكسف 

تقرى موضوع لواحده جميله بقالها كام سنه متجوزه وخلاص بقى مفيش كسوف

وتقولك الراجل بيحب المرأه تكون مثل فتاه الليل فاعفى جوزك عشان ميبصش بره 

تيجى العروسه الجميله الجمله تعشش فى دماغها وتقولك لازم اعفيه من اولها واوريله انه 

مفيش زيى عشان ميبصش بره وهوب تروح منفذه الكلام وتقتل حياتها الزوجيه من 

قبل ما تبتدى هنا بقى اجيلها واقولها بصى يا قمرايه النصايح اللى تاخديها فى بدايه 

جوازك النصايح العاديه انك تزيلى القلق والتوتر وسيبى نفسك لجوزك متعمليش حاجه سيبيه

هو يعمل كل حاجه خلى حياءك فى الاول بنفس نسبته وتسيبيه يقل واحده واحده

بس اوعى ينعدم لو حياءك انعدم اعرفى انك نهيتى حياتك الزوجيه لان زى ما الراجل بيحب 

الست تبقى جريئه ومتمكنه من الجنس على قد ما بيعشق حياءها لانها بتفضل محسساه

انها البنوته الرقيقه اللى حبها واتجوزها أه بقيت جريئه شويه بس ده الطبيعى 

وده اللى هو بيحبه 

من ليله الدخله وبعد أول شهر جواز هتبتدى تحددى شخصيه جوزك فى الجنس

اذا كان شهوانى ولا عادى ولا من شواذ القاعده وشاذ دى مش معناها حاجه وحشه لآ

دى معناها انه له طابع خاص غير اللى معروف انه فى كل الرجاله يعنى 

مثلا كل الرجاله بتثار من مجرد النظر لجسد المرأه وتزيد الاثاره بملامسه جسدها 

الرجل الشاذ هو اللى مبيحسش بأى اثاره غير لما بيدخل فى العلاقه على طول

وبرضه هشرح النقطه دى بطريقه اوضح فى نقطه تصنيف الزوج تمـــــــــــــــــــام

نرجع لمرجوعنا لو جوزك من النوع اللى شهوانى يعنى بيحب الجنس بكثره فوق المعدل

الطبيعى ده بقى أصعب انواع الرجاله لانك لازم تجددى فى العلاقه دائما معاه 

لانه بيبقى عارف كل حاجه وعايز يعمل كل حاجه بس فى نفس الوقت هو مريح من ناحيه 

تانيه انك اى حاجه جديده هتعمليها له هيفرح بيها جدا وعمره ما هيضايق من اى حاجه

ده بقى وبقلب جامد بعد أول شهر جواز ابتدى دورى على كل نصيحه جديده فى الجنس 

وكل يوم اعملى له حاجه جديده