هقولكم على طريقه تحفه للشيبسى واحلى من بره وكفايه انه بيتى وانضف من غير مواد حافظه 
انا بموت فى الشيبسى جدا وبصراحه جربت كذا طريقه بس دى اللى نجحت وعجبتنى جدا
اولا هنقطع البطاطس انا بقطعها بمقشره البطاطس بتطلع تحفه وبعد كدا نغسلها كويس وننقعها فى مايه وملح وخل عشان الطعم لمده نصف ساعه او اكتر 

بعد كدا بصفيها تماما وانشفها كويس اوى بفوطه نضيفه المهم انها تنشف تماما واسيبها شويه عشان اضمن انها نشفت تماما ومنهااااااااااااااااا الى الدقيق ايوه الدقيق بس اهم حاجه تكون البطاطس ناشفه تماما عشان مش تكون طبقه دقيق سميكه يدوب بس نحطها فى الدقيق ونرجع ننفضها تانى كويس جدا جدا وطبعا دا واحده واحده والى الزيت الغزير الساخن ودوقى احلى بطاطس شيبسى بطعم الخل والملح وطبعا يا فتوكات ممكن تضيفوا عليه اى نكهات من عند العطار المهم طريقه الشيبسى نفسها وجربواااااا