السلام عليكم ورحمة الله وبركاته
حبيباتى ايه اخباركم وعاملين ايه فى ظروف البلد دى
ربنا يحفظ مصر وابنائها من كل شر اميييين يارب العالمييين
وصل اللهم وسلم وبارك على حبيبك المصطفلى
عليه افضل الصلاة واتم التسليم


ها ايه رأيكم ندخل على المفيد؟؟؟؟؟؟اه طبعا ندخل على المفيد
انا مش بحب اكتب مقادير لان كل واحده عارفه المقدار اللى بتحتاجه علشان عيلتها ندخل على الطرييييييييقه
انا جبت الفراخ وغسلتها ونقعتها فى ماء وملح وخل
وبعدين قطعت البطاطس حلقات ونقعتها فى ماء وملح وخل وبعدين عصرت الطماطم وقطعت البصل حلقات ودعكته بملح وفلفل وحطيت نصفه فى الصينيه زى كده

وبعدين رصيت عليه البطاطس 

وبعدين رصيت الفراخ عليها

وحطيت عليها بهارات ومرقة دجاج فوريه وباقى مقدار البصل

وبعدين ضيفت اخر حاجه عصير الطماطم ولا حطيت زيت ولا سمن علشان تكون خفيفه ولذيذه

بس وغطيته وحطيتها على البوتوجاز لما غليت غلوتين وكنت مسخنه الفرن ودخلتها فيها

وشوفى النتيجة وادعيلى