على سفرة النهارده هيكون موجود عصير الموز مع قمر الدين وسلطة الخضار بصوص الزبادي وشوربة الشعيرية بكرات اللحمة وريش ضاني بالصلصة وبسبوسة بالعجوة وعلى السحور هنقدّم لك بيتزا البيض..

****************

عصير الموز وقمر الدين

عصير الموز وقمر الدين

عصير الموز وقمر الدين

المقادير:

2 ثمرة موز مقطّعة

كوب صغير زبادي

كوب عصير قمر الدين

مكعبات ثلج 

سكر (حسب الرغبة)

الطريقة:

1- اضربي كل المقادير مع بعضها في الخلاط لغاية ما يبقى عصير متجانس، وبعد كده صبيه في الكوبايات وزينيه بشرائح الموز وقدميه.

****************

سلطة الخضار بصوص الزبادي

سلطة الخضار بصوص الزبادي

سلطة الخضار بصوص الزبادي

المقادير:

ثمرة خيار

2 ثمرة طماطم

بصلة صغيرة

2 كوب زبادي

3 ملعقة كبيرة زيت زيتون

3 ملعقة كبيرة عصير ليمون

2 ملعقة كبيرة بقدونس مفروم ناعم

3 ملعقة كبيرة مايونيز

½ رغيف خبز محمص

فص كبير ثوم مفروم

ملح (حسب الرغبة)

الطريقة:

1- قطّعي الخيار والطماطم والبصل والخبز المحمص مكعبات، وحطّيهم في طبق التقديم وقلّبيهم مع بعض.

2- اخلطي البقدونس والزبادي والمايونيز وعصير الليمون والثوم وزيت الزيتون مع بعض وتبّليهم بكمية ملح مناسبة وضيفيهم فوق السلطة وقدميها.

****************

شوربة الشعيرية بكرات اللحمة

شوربة الشعيرية بكرات اللحمة

شوربة الشعيرية بكرات اللحمة

المقادير:

½ كوب شعيرية

¼ كيلو لحمة مفرومة

2 كوب عصير طماطم

2 ملعقة كبيرة زيت نباتي

¼ ملعقة صغيرة بهارات

3 ملعقة كبيرة دقيق

بصلة صغيرة مفرومة

3 كوب شوربة

فص ثوم مفروم

بقدونس مفروم للتزيين

ملح وفلفل

الطريقة:

1- شكّلي اللحمة المفرومة كرات صغيرة وغلّفيها بطبقة دقيق خفيفة.

2- سخّني الزيت في حلة وشوّحي فيها كرات اللحمة من كل الجوانب لغاية ما لونها يتغير، وبعد كده طلّعيها.

3- حطّي البصل والثوم في نفس الحلة وقلّبيهم لغاية مايدبلوا وبعدين ضيفي عليهم الشعيرية وقلّبيهم مع بعض على النار لغاية ما الشعيرية تتحمر، وبعد كده ضيفي عصير الطماطم والشوربة والملح والفلفل والبهارات وكرات الكفتة، وغطّيهم وسيبيهم على نار هادية لمدة 15 دقيقة لغاية ما الكفتة والشعيرية يستووا.

4- اغرفي الشوربة في الأطباق وزينيها بالبقدونس وممكن تقدّمي معاها عصير ليمون.

****************

ريش ضاني بالصلصة

ريش ضاني بالصلصة

ريش ضاني بالصلصة

المقادير:

كيلو ريش ضاني

بصلة كبيرة مقطّعة شرائح

4 ثمرة طماطم مقشّرة ومفرومة

1½ ملعقة صغيرة بهارات لحمة

2 ملعقة كبيرة صويا صوص

4 ملعقة كبيرة دبس رمان

3 ملعقة كبيرة زبدة

مكعب مرقة دجاج

2 ملعقة كبيرة خل

4 فص ثوم مفروم

ملح وفلفل

دقيق

الطريقة:

1- تبّلي الريش بالملح والفلفل والصويا صوص وسيبيها في الثلاجة لمدة ساعة وطلّعيها بعد كده وغلّفيها بطبقة خفيفة من الدقيق.

2- سيّحي الزبدة على النار وشوّحي فيها الريش الضاني من كل الجوانب، وبعد كده طلعيها على مناديل ورقية وسيبيها على جنب.

3- في نفس الطاسة، سخّني زيت الزيتون وشوّحي فيه البصل والثوم وبعدين ضيفي عليهم الطماطم ومرقة الدجاج ودبس الرمان والبهارات وقلّبي الخليط لغاية ما الطماطم تتسبّك وبعد كده ضيفي الريش المقلية.

4- غطّي الطاسة، وسيبيها على نار هادية لمدة 40 دقيقة أو لغاية ما الريش تستوي، وممكن تضيفي شوية ميه لو حسّيتي إن الصوص نشف ولسه الريش ما استوتش، وبعد ما تستوي اغرفي الريش بالصوص بتاعها وقدّميها مع محشي ورق العنب.

****************

بسبوسة بالعجوة

بسبوسة بالعجوة

بسبوسة بالعجوة

المقادير:

كوب دقيق سميد

كوب عجوة بدون نوى

3 ملعقة كبيرة لبن بودرة

ملعقة صغيرة بيكينج باودر

⅓ كوب ماء دافئ

½ كوب زيت

بيضة

فانيليا

مقادير الشربات:

كوب ميه

كوب سكر

عصير ليمونة

فانيليا

الطريقة:

1- لتحضير الشربات، هاتي حلة وحطّي فيها الميه والسكر وعصير الليمون وسيبىيه لغاية ما الشربات يُعقد، وبعد كده ضيفي الفانيليا على الخليط وسيبيهم دقيقتين على النار واطفي عليه وسيبيه يبرد.

2- اخلطي كل مقادير البسبوسة -ما عدا العجوة- في الخلاط الكهربائي.

3- شيلي نصف كمية العجينة من الخلاط، وحطّي العجوة مع النصف اللي في الخلاط واضربيهم تاني كويس.

4- افردي خليط البسبوسة والعجوة في صينية وبعدين حطّي باقي كمية البسبوسة، وممكن تزيّنيها باللوز المقشر أو أي مكسرات عندك.

5- سيبي البسبوسة تخمر لمدة 5 دقايق، وبعد كده دخّليها في فرن ساخن على نار متوسطة لمدة 30 دقيقة.

6- طلّعي الصينية من الفرن وصبّي عليها الشربات وقدّميها.

****************

بيتزا البيض

بيتزا البيض

للسحور.. بيتزا البيض

المقادير:

4 بيضة

1/8 كيلو بسطرمة

2 ملعقة كبيرة صلصة

ملعقة كبيرة زيت نباتي

ثمرة طماطم مقطّعة شرائح

بصلة صغيرة مقطّعة شرائح

¼ كوب زيتون أخضر مخلي

ملح وفلفل أسود

الطريقة:

1- هاتي صينية متوسطة، وشوّحي فيها البصل مع الزيت لغاية ما يدبل، وبعد كده ضيفي عليه شرائح الطماطم.

2- دوّبي الصلصة في شوية ميه مع الملح والفلفل، وبعدين ضيفيها على خليط البصل والطماطم، ودخّلي الصينية في الفرن لمدة 10 دقائق.

3- اخفقي البيض مع الزيتون والبسطرمة وشوية فلفل أسود، وبعدين حطّيه في الصينية ودخّليها الفرن مرة تانية لمدة 10 دقائق، وبعد كده طلّعيها من الفرن واقلبيها في طبق وقدّميها.

وبكده تكون خلصت عزومة النهارده.. 

مستنيين تجرّبي وتقولي لنا إيه رأيك..