هذي وحدة تقول مره وصلني زوجي للمدرسه اللي كنت معلمه فيهاالصباح قلت له وانا نازله راح اشتاق لك ياحبي.... قال انزلي انزلي ﻻ‌ تروح عليك الحصه اﻻ‌ولى .. آآآآآآه بغيت اصفعه بالمسطرة 

وحدة ثانية تقول:
زوجي موراعي هدايا ابد قلت ابشتري هدية جوال الي يستخدمه قديم المهم غلفته وكتبت في الكرت شعر وكﻼ‌ﻻ‌ﻻ‌ﻻ‌ﻻ‌ﻻ‌ﻻ‌ﻻ‌م حلو وعطيته الهديةوكنت بجنبه المهم فكه بشراسة وجهه فيه عﻼ‌مات استغراب وتعجب وانا مبتسمة طلع وناظرقال لمين هذا قلت لك حبيبي قال شاريته بالفين وخمسمية يابنت ال*** هو فرحان بس شوفوالتعبير قسم بالله ذبلت ابتسامتي وهو يضحك يقول اول مرة احد يهديني بالمبلغ هذا بس تصدقون رحمته هههههههه هههههههه


وهذي وحدةثانية تقول انها حطت شموع من عند الباب الى غرفة النوم والشموع طبعا على اﻻ‌رض وهي جلست في غرفتها وكاشخة وتنتظر زوجها

المهم دخل الطعس ودعس الشموع برجلينه وقام يصارخ ويتألم وكفخ زوجته وزعل عليها وتكلم عليها وماخلى شي ماسواه والمسكينةانهبلت من اللي شافته المهم الزوج دخل الغرفة وقفل الباب عليه ونام بلحاله والله هالحرمة مواقفها كثيرة وتضحك بس لﻼ‌سف الحين تطلقت (ماتنﻼ‌م تطلب الطﻼ‌ق )

وحده من الحريم ملت من الروتين اليومي في حياتها وحبت انها تسوي مفاجئة لزوجها بسهرة رومنسية...المهم قامت واطلبت الكيكة من الدبلوماسي والعصيرات
وخلت اﻻ‌ضاءة بالمجلس هادية وولعت الشموع ونومت عيالها وتزينت عشان تهيئ الجو لهم .....
.المهم جاء الزوج من اﻻ‌ستراحة وريحته تفوح دخاخين واستقبلته ودخلته للمجلس وقطعت له من الكيكة 
وصبت له من العصير...المهم يوم بلع وخلص قالها الحين وراك مجلستنا بالظﻼ‌م حشى كأننا بقبر.
.تقول هي انها بلعتها وسكتت منيب مخربة السهرة...قام وكمل ذا الماصل وقالها الحين وراك طالبة حجم كبير 
من الكيكة كان طلبتي حجم صغير وشوله اﻻ‌سراف يالله روحي قومي البزارين ياكلون منها عشان ماتكب..
.عاد هي حامت كبدها منه وطفسته وزعلت عليه......
.تدرون المفروض انها تحط له خبز وفول ويخب عليه هذا مهب وجه تدليع(جعله الضربة ذا البخيل)



هذي وحدة من البنات توها متزوجة وحابه تسوي حركة لزوجها .
..قامت وتزينت وتجهزت من مجاميعه وحطت اﻻ‌ضاءة هادية وشغلت الدخان الصناعي
وانتظرته لحد ماشرف...المهم يوم دخل ويشوف الدنيا شبه مظلمة والدخاخين 
حاجبة الرؤية قام يركض للصالة وجلس يناديها
وهي ساكتة ماترد عليه تتغلى عليه(على بالها حركة ماتدري مسيكينة انها بتروح في خبر كان)
عاد هو طار للمطبخ وجاب جيك ماء وكبه عليها يحسبها انه مغمى عليها من الدخان 
عشان كذا ماترد عليه(جاء بيكحلها عماها)....بالله وش تتخيلون موقفها؟؟؟...
المفروض انها صبت على راسه موية نار.....


/ هذي وحده من البنات تزوجت وراحت للخارج مع زوجها بعثه للدراسه له ولها..
.المهم شافت ذا الحمران العطران ورومنسيتهم قالت خل اسوي مثلهم .
.وخاصة انهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسه الهاديه.. فقامت يوم من اﻻ‌يام قبل ماتروح للمعهد قالت
خل افتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحه تفوح في الغرفه ومن ذا الحركات.
..قالت إذا رجع وشاف الحركات هذي اكيد بيستانس شوي...المهم يوم رجعت من المعهد
شافت زوجها نايم في الصاله عاد هي استغربت وراه تارك السرير ما امبطح عليه...ويوم صحى
وسألته قال الله يصلحك ناثره لي عشب على السرير وشلون انام عليه(الله يقلعه مايميز بين الورود والعشب).
...بالله مو المفروض تنثر على السرير تين شوكي عشان يتأدب ذا الباصق......



وهذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها 
يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا
يطلب كل مالذ وطاب على حسابها ..عاد هي جتها ام العبيد وقالت انا اوريه عشان يتأدب
ويعزمني بدال ما انا أعزمه...قامت وعزمته زي كل مره ويوم خلصوا ماكلين
قالت له اكرمك الله ياابو فﻼ‌ن على العشى...عاد هو شرق بالعصير من الروعه 
, قال لها وشلون يعني؟؟؟قالت له الله يسلمك الفاتوره
دفعتها من جيبك اخذت المبلغ من بوكك قبل مانطلع....
.تقول عقبها طاح وجهه تأدب وصار يطلعها كل سنه مره(تعب نفسه صراحه)......



وفي وحده ﻻ‌هي وﻻ‌زوجه يدلون الرومانسيه وكانت بيوم راح تنقل لبيت ملك المهم شارت عليها 
إختها إنها تشتري حركات فطلعت مره هي وزوجها يشرون شموع اشكال والوان وبعد فتره هي كان
زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس 
شاف الدنياظﻼ‌م يوم دخل على زوجته ولع النور وطفى الشموع قالها الله يهداك الحين أنا شاريهن ﻻ‌طفى الكهرب<<<<<قمة التحطيم


هذي وحده جنااااااااانها البلونات عااااااااد ذاك اليوم فكل جدر حطت نفاخه ..وشك شك هذا طبعا صوت مفاتيح الباب جاء رجالها ..ومن غير مقدمات يوم شاااف البالونات فقعها وووهو معصب وقال لها لو يجونا ضيوووف وش يقولون.. هذولي لسع ما تخرجوا من اﻹ‌بتدائي ..والله مسكين ووووبايخ حطم الحرررررررريمه..
ههههههههه 



وحدة تقول أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها>>>>>> المهم ما أطول عليكم . 
رحت وشريت لي كتاب رومنسيات زوجيه قالك بتثقف وأصير رومنسيه حتى أعجب أبوالشباب 
وأنا كنت بداية اﻻ‌جازة أروح ﻷ‌هلي وأطول عندهم كذا يوم وهو قاعد بالبيت 
قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين مﻼ‌بسه عشان إذا جا يلبس يقرا البطاقات ويتذكرك حتى وانتي غايبه عن عينه ......
واختكم في الله سوتها ......... تتوقعون إيش كانت النتيجة ............ ......... ......... ..اهئ اهئ 
لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة>>> زوجي كتوم جداً
قلتله ياعيوني ياحبيبي عجبتك الحركة .........
قالي أي حركة ﻻ‌ عد ترمين أوراقك منا ومنا وأنا ألقط وراك ليه شايفتني شغال عند أبوك تسنعي ياحرمه . 
إيش رايكم فيه>>>>>> طعس صحيح .


وحدة تقول مره سويت لزوجي ليله رومانسيه على قولتكم وقمنا نرقص هذيك الرقصه وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال قال تكفين تكفين حكي ظهري فوق شوي ﻻ‌ﻻ‌ تحت شوي وانا ميته من القهر