انا هقولكم طريقة بس ماتقولوش علي مجنونة ولا باستهبل!!!!
لا سويت ولا براون ولا ماكينة ولا موس ولا ليمون ولا سكر!!!!
دي وصفة جدتي الله يرحمها الف رحمة
علمتهاني من وانا عندي ييجي 13 سنة يعني من حوالي 23 سنة
وجزاها الله خيرا عني لانها نفعتني نفع بيها
والله وانا في اي مكان ممكن اعملها وفي خمس دقايق مافيش تنتوفة شعرة ومن غير ولا مليم احمر
ومن غير اي تكنولوجي
ومن غير اي مصدر طاقة زي الجاز او الغاز او غيره
ومن غير مخدر موضعي ولا غيره
ومن غير ما اطلب مساعدة احد
اه هتقولوا رغيت كتير مش كده؟؟
ماهي الطريقة تستحق صدقوني
حـــــــــــــــــــــــــــــــاضــــــــــــــر
هــــــــــــــــــــــــــــا قـــــــــــول
شوفي يا ستي
هتاخديالحمام السخن بتاعك عادي
وبعدين مباشرة من غير تضيع وقت تنشفي تحت الابط كويس جدا
وبعدين نبدأ بالابط الشمال (وهاقولك ليه بعدين)
هترفعي دراعك كانك هتعملي سويت بالضبط
وتشدي دراعك عالاخر
وبعدين تشيلي الشعر بايدك اليمين!!!!!
اصبري ماتقوليش يالهوي
ايوة بايدك
هتمسكي حبة شعر صغيرين مش كتير يعني كام شعرة كده
هتمسكيهم من قريب جدا من جدرهم يعني ماتجيش تمسكيهوم من طرفهم وتشدي
طبعا هيوجعوكي ومش هيطلعوا
يبقي من اقرب حتة للجدر وحبة صغيرين وتشدي جامد شدة واحدة بقوة عشان لو شدتيت براحة هيوجعك اوي ومش هيطلع
وبعدين حبة شعر صغيرين كمان وبعدين اللي بعدهم لحد ماتخلصي كل المكان
طبعا اول شدتين هيوجعوكي بسيييييييييط جدا لوشدتيتي صح
ولو شدتيتي غلط هيوجعوكي اكتر
وبعد تاني شدتين تلاتة واقسم بالله مافيش ولا ذرة الم نهائي
بس اهم حاجة تعملي بالطريقة اللي وصفتهالك بالمللي
اتمني تجربيه وهتدعيلي انا وجدتي
بالتوفيق
اه نسيتي اقول ليه نبدأ بالناحية الشمال
ده عشان نستعمل ايدينا اليمين في الشد وده طبعا بالنسبة للمبتدئين عشان مايصعبوش الموضوع علي نفسهم
لكن انا نفسي بابدا طبعا باليمين لانه سنة
ولاني عادي محترفة في الطريقة دي فماعنديش مشكلة
مستنياكو تجربوها وتقولولى رأيكم
موضوع: طريقة جدتي في ازالة شعر الابط .. هتدعولها لو اتعلمتوها 
الثلاثاء أغسطس 20, 2013 5:33 pm