والله يا بنات انا من كتر ماشفت بنات بتشتكى من الدخلة وانها تعبانه بستغرب ازاى مسالتيش وازاى محدش عرفك تتصرفي ازاى؟

انا هقلك من خبرتى

اولا ونظرا لطبيعة الغشاء اللى بتختلف من واحدة للتانية متسأليش مين تعبت ومين لا 
وثانيا لازم وانتى بتوضبي بيتك توفري فيه مطهر بيتادين مهبلى أو ستيال ومتتكسفيش ده ضرورى 
وتجيبي k y جل ضرورى بردو

هتعملى أيه طيب؟ 
أولا هدى اعصابك كدا واتوكلى ع الله

لازم تسلمى لزوجك بهدوء علشان عضلاتك ماتتشنجش

يستحسن قبل الفرح تروحى لدكتوره تقلك نوع الغشاء علشان تكونى فاهمه تتعاملى ازاى

وبعدين مهما حصل متصوتيش .....................مش هينفع اولا هتخضيه وممكن يخاف يقرب لك بعدها 
وثانيا ميصحش انتى هتبقى ست ولكى بيت ومسئولية لازم تجمدى كدا وتسترى حالك مش الجيران تعرف انك تعبانه

اتحملى انه يحاول مرة واتنين لحد ما الغشاء يتم فتحه واطلبي منه ترتاحي خاصة لو نزفتى



المفروض بعد العلاقة تتشطفي بمية دافية وبيتادين مهبلي ولو حسيتي بجرح اقعدى في طبق بلاستيك فيه مطهر وميه دافية او البانيو

اعتبرى نفسك في فترة بيريود تقيلة ومتعبه ايه هتلمى الناس عليكي والا ايه ؟


خدى فيتامينات لو جالك دم كتير

كلى كويس


وانتى بتجهزى لليلة الدخله وقرى في الغرفة فوطة كبيرة شوية بشكير يعنى يعد ما تخلصوا وهتقومى للحماما اتلفى بيه كدا ودفى جسمك لانه هيكون مرهق

وخلى معاكى كمان مسكن احتياطى




اخيرا ربنا يسعد كل بنت بس لازم نفهم ان عهد الدلع ولى ولازم تديري أمورك بقى بعقل وبراحة

بعد تمام الدخلة روحى لدكتورة تضبط لك موضوع التهابات شهر العسل دا علشان تهدى



نصيحة مهمة بجد بجد انا فهمتها بالتجربة اول أسيوع لازم تكونى في بيتككككككككككككككككككككككككككك متستعجلوش ع الفسح والألم موجود أو تكونى بعيده عن امك لالالا خليكي لحد متهدى وتبقى كويسه سافرى بقى


انا رحت شرم واتبهدلت لأن كان عندى نزيف والاوتيل عرف من الفرش ودا الغلط بقى اللى غلطته


لكنى كنت عارفه انى هتعب من الدكتوره وصمدت


ربنا معاكم واى أسئلة انا جاهزه