جيبتلكم النهاردة ماسك عملته امبارح يارب يعجبكم وتجربوه وتدعولي

خلي شعرك مش بيقع زي الاول وخلاه بيلمع خاالص 

قولو ماشاء الله

اولا : الماسك ده هدفه الاساسي تقوية الشعر
يعني شعرك بيتساقط وضعيف استخدميه
سواء بيتساقط بسبب ضعف في جسمك انيميا مثلا استخدميه بس خلي بالك ( لازم تعالجي الانيميا طبعا)
او بسبب الحمل والرضاعه
او استخدمتي كريمات فرد وصبغات بوظت شعرك 

الماسك ده باذن الله يقويه
استخدميه مره في الاسبوع

بس ملحوظة مهمه
لو شعرك فاتح خلي بالك الزيوت اللي في الماسك هتساعد علي ان شعرك لونه يغمق فممكن تستغني عنها او تحطيها مره واحده في الشهر
وممكن تستخدمي زيت جوز الهند الاصلي مش هياثر في لون شعرك

لو شعرك بقي غامق واسود زيي كده مش هقولك علي اللمعه طبعا

الماسك ده كمان هيساعدك لو عندك مشكلة في هيشان الشعر
وهيساعدك كمان في القشرة وهيتقل باذن الله شعرك بالاستمرار عليه

لو عايزة تطرية لشعرك اكتر والهيشان يختفي اكتر واكتر ممكن تحطي مع المكونات مايونيز
لو شعرك مقصف مكن تحطي مع مكونات الماسك قهوة

يلا نبتدي بسم الله 

مكونات الماسك

( زبادي + عسل اسود + زيت زيتون + زيت خروع + خل + لبن )

اولا تحطي الزبادي انا حطيت تلت اربع علبه زبادي

حطي عليها عسل اسود بمقدار تقريبا معلقتين عسل كبار

حطي زيت زيتون لتقوية الشعر بمقدار تقريبا 3 معالق

حطي زيت خروع لكثافه الشعر بمقدار برضه تقريبا 3 معالق

ثم قلبى الخليط

ضيفى خل بمقدار معلقتين عشان يقضي علي القشرة
وكمان الخل بيدي لمعه لشعري

قلبى الخليط مرة تانى

حطي معلقتين كبار لبن
مش لازم علي فكرة يكون لبن متصفي من القشطه عايزه تحطيه بالقشطه حطيه فايدته هتكون حلوة

بعد كده غسلت شعري كويس
وحطيت الماسك علي شعري ودلكت بيه فروة شعري وحطيته من اول فروة شعري لحد الاطراف

ولفيت شعري بالبونيه بتاع البحر وقعدت ساعتين
وبعد كده غسلته كويس بالماء والشامبو


وبجد الماسك تحفه تحفه تحففففففففففففففففففففففففففففففففففففه