المقادير
بطاطس مقطعة شرائح تكفي عمل طبقتين فى الصينية الشرائح متوسطة تقريبا 1.5cm
(لحمة معصجة)1\2 ك لحمة مفرومة +2 بصلة مبشورة+ملح وفلفل +ورقة غار نضعهم على النار ونهدئ النار ونتركها حتى تمام النضج (بدون اضافة سمن او زيت او ماء )

والبشاميل طبعا معروف طريقته
معلقتين كبار زبدة +معلقتين كبار زيت
ولما يسخنوا نضيف 5 معالق دقيق كبار
ونفضل نقلب لحد مايصفر
وبعدين نضيف اللبن شوية بشوية وبمضرب يدوى لحد ما تلاقى الخليط بأى تقيل كده
نضيف باقى كمية اللبن(كيلو) ونفضل نقلب لحد مايستوى البشاميل ويكون قوامة تقيل شوية (شوية صغننين زى قوام الكريمة اللبانى )مش زى البشاميل بتاع المكرونة (النقطة دى مهمة) بعد كده ننزلة ونضيفله بأى ملح وفلفل ابيض(اسود) وجوزة الطيب (او زى ماتحبي)


طبعا بندهن الصينية زبدة
ونرص طبقة بطاطس
وبعدين اللحمة المعصجة
وبعدين الطبقة التانية من البطاطس
وبعدين البشاميل ويكون البشاميل مغطى البطاطس ونهز الصينية شوية نتأكد ان البشاميل نزل من الجناب


ممكن ترشى على وشها جبنه شيدر او موزاريلا او اى نوع تحبية
ندخل الصينية فى الفرن ساعة و بعد كده شغلى الشواية لحد ماتحمر من فوق (الوقت على حسب شدة الفرن )