طريقه سهله وبسيطه يمكنكم تحضير اللنشون البيتى علما بأن اللون بيبقى احسن من كده يعنى بيبقى نفس لون اللانشون اللى بره او لون اللحمه البمره دى النشون من غير لحم او فراخ وسبق ان عرضنا لانشون اللحم


المكونات لانشون الفول الصويا:

4 بيضات
4 قطع جبنه مثلثات
2معلقه كبيره فول صويا مطحون
3معلقه كبيره دقيق
2مكعب مرقه
نص كوب زيت
بهارات(نص معلقه صغيره حبهان مطحون- ربع معلقه ضغيره ملح مع مراعاة ان المرقه فيها ملح-ربع معلقه صغيره فلفل اسود -ربع معلقه صغيره كمون-ربع معلقه صغيره قرفه وزيها قرنفل-وربع معلقه صغيره كارى
للون بنجيب اللون اللى بيتحط للفت المخلل بيبقى موجود عند العطار وبنحط ذره حوالى تمن معلقه صغيره)

الطريقه:

نبدا الاول بخلط الزيت والبيض والجبن المثلثات واللون والبهارات جميعا والمرقه فى الخلاط مع مراعاة اننا نخلط بالنبضات يعنى نشغل ونقفل-بعد كده بنحط فول الصويا والدقيق ونخلط مره تانيه بردو بالنبضات- بنكون حاطين حله مليانه ميه على النار تغلى وبنحط الخليط فى كيس يفضل انو يكون كيس حرارى عشان ده اصح وبنسيبلو مساحه حوالى سم او 1.5سم لان فول الصويا بيخليه يكبر وبنربطو كويس جدا من تحت ومن فوق عشان يدينا شكل قالب اللانشون وبنحطو فى حلة الميه اللى بتغلى على النار وبنغطى عليه وبنسيبو مدة من ساعه ل ساعه وربع بعدها بنطلعو وبنفكو من كيسو عشان مش يعرق على بعضو وبنسيو يبرد ويفضل انو يكون متعلق عشان منفقدش الشكل الاسطوانى وبعد كده بنبدا نقطعو بعد ما يكون برد تماما انا بقطعو بقطاعة البطاطس الشيبسى عشان يدينى شكل حلو للشرايح بتاعة اللانشون..... وبالف هنا وشفا ويارب يعجبكم وتجربوه ومتنسوناش من دعائكم
المكونات فيها بردو عدد 4 زيتونه متقطعه وتخلط مع المكونات فى الخلاط