جعلى حمامك يبرق 

نيجى للحوض ادعى الحوض كويس بليفة ناعمة وسائل منظف وبعدكده جيبى الكلور وحطيه فى بخاخة وخصصيها للحمام ورشى على الحوض البخاخة هتساعدك على توصيل افضل لكل مكان وكمان هتوفر عليكى كتير 
واوعى تنظفى الحمام بسلك المواعين العادى لانه بينزل منك على السيراميك ويسبب لك الصدا
ولا بالسلك الاستانلس لانه قوى وهيسبب الخدش للحوض 
متنسيش الصبانة برضه طلعى الصابون الازق وادعكيها بنفس الطريقة 
مراية الحمام لمعيها وامسحيها 
خلاط الميا رشى عليه من الكلور وبسلك استانلس ادعكيه كويس ومتخليش عليه ترسبات 
الرف اللى عليه الغسول والفرش اللى خلصان وملوش لازمة ارميه وخلى شكل الرف حلو وعلبة فرش السنان نضفيها كويس 
نيجى بقى للتواليت بالفرشاة المخصصة ليه ادعكيه مع منظف كويس ورشى عليه كلور وسيبيه شوية وادعكيه تانى علشان الترسبات وياريت المرة التانية لما تدعكيه ادعكية بمطهر قوى او منظف برائحة قوية علشان يخلى ريحته حلوة وطبعا تدعكيه من برة وجوة ومتنسيش الحواف 

ولو عندك اطفال ياريت تهتمى بالمعطرات اللى بتتحط فى التواليت او السيفون علشان الرائحة 
الحوائط تغسليها بنفس طريقة الحوض 
ونفس الكلام للبانيو 
متنيش الباب نضفيه ولمعيه ونشفيه من الميا لانه لو شرب ميا بيتقل ويبقى صعب قفله 
وكمان كوبس النور براحة كده ونضفيه بفوطة معصورة كويس 

وباسكيت الحمام (سلة المهملات ) نضفيها كويس ونشفيها وارمى اللى فيها اول باول 
افتحى يوميا شباك الحمام علشان التهوية وياريت تحطى سلك من برة علشان لو نسيتيه متخافيش من الحشرات 

و متنسيش ستارة الحمام و الفرش والدوسات ادعكيهم واغسليهم وانشريهم فى الشمس علشان ميعملوش ليكى ريحة وحشة واخيرا نشفى الحمام وافرشى وحطى لمساتك 

لو كان البيت مفيش فيه غير حمام واحد فلا تنشرى ملابسك الداخلية فيه 
ولا تنسى ملابس اطفالك الصغار ولا حتى سبت الغسيل 

اختارى فوطة بالوان جذابة وتكون قطنية ولفىها بطريقتك وحطى بكر مناديل ورشى المعطر ولا تنسى اذا جايلك ضيوف ولعى السبوت بتاع الحمام فقط يخلى حمامك مبهر

كتر خيرك ومشكورة