اليوم بدي نزلكم طريقة مخلل اللفت ..الكبيس يعني...جربيه وادعيلي..


أطيب من الجاهز صدقوني..الملح راكز والأهم انه صحي أكثر لأنه من دون خل!!!!! والكل صار يعرف أن كترة المخللات ممكن تكون سبب من اسباب السرطان عافانا الله وعافاكم أخواتي..والسبب هو وجود الخل..


المقادير


لكل ليتر ماء 2 م ك ملح صخري
لفت مقطع حسب رغبتك والشكل يلي بتريديه
فصوص ثوم بس مقشرة
ممكن كمان قرن فليفلة حار
فلفل اسود حب
شمندر (بنجر) لإضافة اللون



الطريقة


تغلي الماء ونخلط معاها الملح منيح لغاية ما يدوب ونتركهم يبردوا على الآخر..


نغسل اللفت ونقطعه بالطريقة المفضلة..


نقشر الشمندر ونقطعه..


في مرطبان نرص اللفت ويتخلله الشمندر والفلفل والثوم والفلفل الأسود ونسكب فوقهم الماء المملح ..


نقوم بإقفال المرطبان وبهزه قليلاً وننتظرأسبوع وممكن أكثر - حسب حرارة المطبخ عندك- وصحتين..