النهارده جيبالكم أكله شهية جدا وبسيطة مكرونه بالجبنه وصدور الفراخ المشويه

المقادير:

كيس مكرونه
زبده
دقيق
لبن
بصلة -بهاراات
جبنة شيدر وتركى وموتزرايلا ومثلثات

التحضير

هنجيب كيس مكرونه
انا جبت الى هى القواقع
وحطيت مياه وزيت وملح عالنار تغلى
علشان اسلق المكرونه
ولما غليت حطيت المكرونه
ورحت علشان اعمل الصوص
هنا اللبن عالنار وهحط عليه البصله
الة فيها قرفه وحبهان
ومستكه ورق لور
علشان يدها طعم
وهعمل عجينه الصوص
الى هى عباره عن زبده ودقيق نعجنهم كويس
لغايه ما يبقى عندنا العجينه كده
وبعد كده يكون اللبن اخد طعم البصله والبهارات الى فيها
هنشيل البصله
وبعدين نحط العجينه بتاعتنا ونقلب كويس بالمضرب لغايه
ما يتقل
وبعدين نحط الجبنه بتاعتنا
هو عملها بالشيدر بس
انا عملت كوكتيل
شيدر وتركى وموتزرايلا ومثلثات
ونقلب كويس لغايه ما يبقى ناعم وكله داب
وعمل فقاقيع كده
هنصب الصوص على المكرونة
وهنقدمها بطريقتين
مره مع رشه بقدونس
وصدور دجاج
والمره التانيه
هنحطها فى قالب ورشه جبنه عالوش
وكان عندى شويه عصاج رشيت نقطتتين
وندخلها الفرن لغايه ما تحمر