خطوات اعداد صينية لسان عصفور باللحة - شهية ولذيذة
و اسهل واحلى طريقة لصينية اللسان عصفور

المقادير

ربع كيلو لحمة مفرومة

كيس لسان عصفور

معلقتين صلصة

شوربة

طمطماية معصورة



التحضير


بصو بقى

سمو الله الاول

أولا
هنجيب ربع كيلو لحمة مفرومة ونعصجه طبعا كلنا عارفين ازاي بس برده هقول للي مش عارف

هبنشر بصلة كبيرة ونحمرها في السمنة في حلة واول ما تصفر البصلة نحط فلفلاية رومي مبشورة وممكن فلفلاية بتحرق للي بيحبها مشطشطة وعلى طول نحط اللحمة ونقلبها فيها شوية وبعدين نزودلها شوية مية صغننين مش كتير لانها هتنزل ميتها وممكن كمام نحطلها طمطماية مبشورة للي بيحبها بالصلصة او ممكن معلقة صلصة ونسيبها تستوي وممكن نزود مية تاني لو لاقينا ميتها نشفت ولسه مستوتش وبس سيبوها تستوي على منخلص

ثانيا
هنجيب الصينية الحلوة بتاعتنا اللي هنعمل فيها الوصفة

ونحط فيها شوية زيت او سمنة للي بيحب السمنة انا بحط حبة من دي وحتة من دي

ونحمر كيس اللسان عصفور على نار هادية علشان ميتلسعش مننا

وبعد ما يتحمر نحط عليه الشوربة بتاعتنا ومعلقتين صلصة ولو معندكيش شوربة ممكن تحطي مكعبين ماجي ومية والصلة بتاعتنا

ونكون عصرين طمطماية ونحطها عليهم برده


ونسيب اللسان عصفور يستوي شوية في الطماطم وبعد ما يستوي شوية نحط عليها اللحمة المفرومة لما تكون استوت ولو ميتها نشفت نزودها شوية شوربة لغاية متستوي


وبعدين لما تستوي كده ناخدها زي الشاطرين ونحطها تحت الشواية بس نكون حاطين على وشها حنة سمنة او شوية زيت صغننين