لازم تجربي طبق النهارده وتستمتعى بعمل طبق لذيذ من صنع اديكى… طبق مختلف ورااائع ..غييير

المقادير:
½ كيلو خرشوف (متوفر في السوبر ماركت)
½ كيلو لحم مفروم معصّج
ملعقة صغيرة بهارات
2 فص توم
ملح وفلفل

مقادير البشاميل:
2 كوب لبن
2 ملعقة كبيرة سمن
4 ملعقة كبيرة دقيق
2 كوب شوربة دجاج (يمكن استبدالها بـ2 مكعب مرقة دجاج)

طريقة التحضير:
1- قطعي الخرشوف مكعبات، وضيفيه في صينية مع اللحمة المفرومة المعصّجة والتوم والملح والفلفل، وقلبيهم بملعقة خشب كبيرة.

2- في حلة متوسطة سخني السمنة وضيفي لها الدقيق، وقلبيهم كويس أوي لحد الدقيق لونه ما يبقى أصفر، وبعدها ضيفي بالتدريج اللبن والشوربة مع التقليب، لحد ما تختفي أي كتل ويبقى المزيج ناعم ومتجانس، وضيفي له الملح والفلفل.

3- صبي البشاميل على الخرشوف واللحمة في الصينية، ودخليه الفرن على درجة حرارة 180 لمدة نص ساعة، وقدميه.. وبالصحة والهنا….