الموضوع 

اني كنت و ده ززززمان طبعاابتسامة مكنتش بعرف اعمل التارت و ليا تجارب فيه كتييررررر غير مرضية مرة ناشف و مرة يطرد الزبدة حزينة و لاني بحبه جدا و بشتريه من برا علي طول لم اياس ابدا 

قلت لنفسي لا تراجع و لا استسلام 

و انا قاعدة ساعة عصاري لقيت طريقة عجينة التارت علي فتافيت بارقص

و بما اني ربنا كرمني و جبت ميزان بالجرامات مخصوص عشان التارت 

قلت يلا 

و عملته مرة و انبهرنا بيه و كررته تاني و قلت من حق الكبير يدلع لا مش معقول 

و يعمل بقي تارت عين الجمل و الله احلي من برا سعيدة قوي

مقادير التارت 

250 جرام دقيق + 125 جرام زبدة باردة + صفار بيضة+ فانيليا + رشة ملح + رشه سكر + 2 ملعقة مياه باردة ( 30 مللي )

الطريقة 

في الكبة نضع الدقيق و رشة الملح و رشة السكر و عليه الزبدة الباردة و نشغل حتي تصبح فتات خبز

نضع صفار البيضة و مضاف اليها الفانيليا و نشغل 

ثم نضيف المياه و نشغل الكبة متقطع مرتين ثلاثة بالكتيرررر و نحط الخليط في طبق بيكون مفرول 

نجمع فيه بايدنا لحد ما يكون كورة 

يغلف بالبلاستيك و يترك في الثلاجة ساعة 

يفرد في قوالب التارت (انا بقطع من العجين بالسكين و بفرد بايدي بداخل قوالب التارت الصغير )

يخرم بالشوكة حتي لا يترفع و يدخل فرن ساخن مسبقا 

حتي يحمر 

و يترك ليبرد تماما 

صوص الكراميل 

تارت عين الجمل بصوص الكراميل

و ده برضو ليا تجارب معاه تكسف

و عرفت السبب الحمد الله العيب مش فيا يارب هو السبب ..... سكر التموين باشد ف شعري

و عرفت ده من فتوكه غالية هنا في موضوع ليها عن الكراميل اعتقد الشيف لطيفة 

بعت اشتريت سكر الاسرة مخصوص 

و جبت عين الجمل مقشر 

الطريقة من موقع اجنبي ( اجانب يعني ميه ميه )

واحد و نصف كوب سكر حبيبات نااااااااااااااعم + ثلث كوب ماء + واحد و ربع كوب كريمة لباني + نصف ملعقة فانيليا

الطريقة 

نضع السكر و الماء في قدر علي النار و تكون متوسطة حتي يذوب السكر و يبدا في الغليان بدوووووون تقليب نهائي 

و نركز عندما يبد في تغير لونه الي الذهبي 

نضيف الكريمة و ناخد بالنا من فوران الكريمة و نقلب بسرعة حتي يختلط و نضيف الفانليا و نطفي النار 

الخليط بيكون سائل 

و بعد ما بيرد بيثقل احلى ابتسامة

نضع عين الجمل بداخل التارت و نصب صوص الكراميل و بالهنا و الشفا