انا جايبه ليكم موضوع اليوم ان شاء الله يعجبكم

الموضوع وما فيه اننا هنضرب عصفورين بحجر واحد
هتسألو وهي فين العصافير
هقولكم جايه ف الطريق ما تستعجلوش

العصفور الاول هجتمع انا وزوجي علي طاعه وعلي محبه الرسول صل الله عليه وسلم

العصفور التاني احياء سنن الرسول صل الله عليه وسلم

هتسألو وهو أصلا فين الموضوع

الموضوع وما فيه اني اتفقت مع زوجي اننا كل أسبوع نطبق سنه من سنن النبي صل الله عليه وسلم لمده أسبوع ولما نتعود عليها الاسبوع الا بعديها نحافظ علي السنه القديمه ونعمل سنه جديده
ونبتدي بالسنن الخفيفه علشان أكيد كلنا مقصرين في حق النبي اللهم صل وسلم وبارك عليه
علي سبيل المثال هنبدأ بالوضوء قبل النوم ونمشي عليه لمده أسبوع والاسبوع الا بعده هنحافظ علي السنه دي ونعمل سنه تانيه والسنن كتيررررر سواء أذكار أو أفعال
يبقي هنعمل ايه يا حبيبتي منك ليها
هنعمل بحث علي جوجل عن سنن النبي ونكتبها في ورقه ونبدأ ننفذ السنن البسيطه الاول
لحد ما نوصل ان شاء الله اننا نطبق سنن الرسول ف كل أفعالنا وحركاتنا

وبكده يبقي ضربنا العصفورين بالحجر الواحد
عرفتو ايه هما العصفورين

اللهم أحرق لسان كل من سب حبيبنا المصطفي صل الله عليه وسلم
وشل يد كل من أساء الي نبينا
اللهم أعزنا بالاسلام وأعز الاسلام بنا

الموضوع أكيد مش مقتصر علي المتزوجين فقط
ممكن تطبقي الموضوع دي مع صديقه أو أختك أو أهلك في البيت
وممكن نطبقها مع بعض هنا
كل أسبوع هكتب سنه نلتزم بيها مع بعض
ايه رأيكم الا موافقه تقولي علشان نبدأ مع بعض