السلام عليكم ورحمة الله وبركاته

شاورممممممممممممممممممممما شاورما شاورما شاورما اوعى وشك

عملت اجمل شاورمه فى مصر احلى من بتاعه الراجل

شوفوا بقى عملتها ازاى

المقادير:-

نصف كيلو فراخ بانيه متقطعه فتافيت زى العصير
ربع كوباية خل
كوباية زبادى
بهارات شاورما او اى بهارات معموله حلو
بصله كبيره جدا او بصلتين متوسطين
اقل من ربع معلقة ملح
ربطتين بقدونس

الطريقه:-
بتبشرى البصل فى المبشرة العين الصغيره خالص عشان يطلع عصير وبعدين تعصريه بايدك اوى اوى اوى وتطلعى منه الميه كلها وتخلى فتات البصل ناشف خالص مفيهوش ولا نقطة ميه وتفصلى الفتات عن الميه
وبعدين تحطى الزبادى والبهارات والخل والملح وتخلطيهم كويس وبعدين تحطى عليهم الفراخ وتقلبى وتسيبيهم ساعه وبعدين تحطى عليهم فتات البصل وتسيبيهم لتانى يوم وهيكون شكله كده



وهيعوم فى الميه لانه هينزل كمان ميته وتحطيه عالنار مع نقطه صغيره زيت وتشوحى لغاية ما تستوى اوى وتشرب ميتها كلها وبعدين لو حسيتى انها لسه محتاجه سوا حطى انتى عليها شوية ميه صغيرين ولغاية ما تشربهم برده وتبقى ناشفه خالص ومتخافيش مش هتنشف منك لانها فيها زبادى وخل هتفضل طريه


وتكونى مقطعه البقدونس كده




وتحطى البقدونس على النار بعد ما الفراخ تستوى يا دوب تدبل من السخونه وتشيليها وكده تكون استوت

وتجهزى بقى البطاطس العبقريه بتاعى كالاتى:-



تقطعى البطاطس بالعرض مش بالطول
يعنى تخلى الصوابع قصيره مش طويله عشان بتكون احلى وبعدين تنقعيها زى الصوره كده فى الخل والملح والكمون وبعد شويه تاخدى نصف الكيه بتاعة البطاطس تحطيها فى الطاسه وتقليها وتطلعيها قبل ما تكمل سواها يعنى تبقى نص سوا وتحطيها فى مصفاه وبعدين تاخدى باقى البطاطس وبرده تقليها نص قليه وتطاعيها وبعدين تحطى البطاطس الاولانيه تانى ولما تستوى وخلى بالك ان ساعتها بتستوى بسرعه جدا تحطى الميه اللى نزلت منه لما كانت منقوعه فى الخل مع الخل فى قلب الطاسه
متخافيش مش هتطرطش عليكى ولا هتعمل اى حاجه وتسيبيها شويه ولو سيبتيها عالنار اسبوع متخافيش مش هتتحرق لان الخل بيمنعها تتحرق وتنشليها وتحطى باقى البطاطس وبرده نفس الحكايه تحطى عليها الميه والخل الباقيين وانشليها



وبالهنا والشفا بقى بعد ما قطعت الخيار جنبها ولو عندك مايونيز او سلطة زبادى بقى تحففففففففففففففففه